Пра працу са зваротамі грамадзян

Арганізацыя асабістага прыёму і разгляд вусных зваротаў грамадзян кіраўніцтвам РУП «Кіруючая кампанія холдынгу «Белфармпром»

Патрабаванні, што прад'яўляюцца да пісьмовых зваротаў грамадзян

Парадак разгляду зваротаў грамадзян і юрыдычных асоб рэгламентуецца ў адпаведнасці з нарматыўнымі прававымі актамі Рэспублікі Беларусь:

• Законам Рэспублікі Беларусь ад 18 лiпеня 2011 года № 300-З «Аб зваротах грамадзян і юрыдычных асоб»
• Законам Рэспублікі Беларусь ад 28 кастрычніка 2008 года № 433-З «Аб асновах адміністрацыйных працэдур»
• Дырэктывай Прэзідэнта Рэспублікі Беларусь ад 27 снежня 2006 года № 2 «Аб мерах па далейшай дэбюракратызацыі дзяржаўнага апарату»
• Дэкрэтам Прэзідэнта Рэспублікі Беларусь ад 14 студзеня 2005 года № 2 «Аб удасканаленні працы з насельніцтвам»
• Указам Прэзідэнта Рэспублікі Беларусь ад 15 кастрычніка 2007 года № 498 «Аб дадатковых мерах па працы са зваротамі грамадзян і юрыдычных асоб»

Пры накіраванні звароту ў дзяржаўныя органы і арганізацыі варта кіравацца Указам Прэзідэнта Рэспублікі Беларусь ад 15 кастрычніка 2007 г. № 498 «Аб дадатковых мерах па працы са зваротамі грамадзян і юрыдычных асобаў», у адпаведнасці з падпунктам 1.1 пункта 1 якога звароты грамадзян, у тым ліку індывідуальных прадпрымальнікаў, а таксама юрыдычных асоб, незалежна ад таго, у які дзяржаўны орган альбо іншую арганізацыю яны паступілі, першапачаткова падлягаюць разгляду па сутнасці ў адпаведнасці з кампетэнцыяй:

• у мясцовых выканаўчых і распарадчых органах, падпарадкаваных (падсправаздачных) ім арганізацыях, тэрытарыяльных падраздзяленнях (органах) і арганізацыях, падпарадкаваных (падсправаздачных) рэспубліканскім органам дзяржаўнага кіравання і дзяржаўным арганізацыям, падпарадкаваным Ураду, іншым дзяржаўным органам, іншым арганізацыям, якія ажыццяўляюць сваю дзейнасць і размешчаныя у межах той адміністрацыйна-тэрытарыяльнай адзінкі, на тэрыторыі якой узніклі пытанні, выкладзеныя ў зваротах;
• у іншых дзяржаўных органах, іншых арганізацыях, калі пытанні, выкладзеныя ў зваротах, адносяцца да выключнай кампетэнцыі гэтых органаў або арганізацый.

Рашэнне названых арганізацый па звароце можа быць абскарджана ў вышэйстаячы ў адносінах да іх у адпаведнасці з падпарадкаванасцю (падсправаздачнасцю) дзяржаўны орган, іншую арганізацыю (далей – вышэйстаячы орган).

У сваю чаргу, рашэнне вышэйстаячага органа па звароце можа быць абскарджана ў суд.

Акрамя таго, Указам Прэзідэнта Рэспублікі Беларусь ад 15 кастрычніка 2007 г. № 498 «Аб дадатковых мерах па працы са зваротамі грамадзян і юрыдычных асобаў» зацверджаны Пералік дзяржаўных органаў, іншых арганізацый, адказных за разгляд зваротаў па сутнасці ў асобных сферах жыццядзейнасці насельніцтва, які носіць інфармацыйны характар.